Dedicata a Luigi Rende e a tutte le guardie giurate
giovedì 9 agosto 2007
Morte di un servitore dello Stato
Non servunu a nenti stu battiri i mani
chistu succedi pi nu pezzu ri pani...
povuru figghiu chi ti ndi isti
i Riggini onesti, su tutti tristi,
ciangiunu o figghiu chi pi lavurari
l'interessi o statu nciaviva vardari.
"Milli Euri" o misi e tanta paura
a morti cu vui camina ogni ura...
"Milli Euri" o misi pi putiri campari
e certi notti manc'u lettu spasciari.
E quando succedi cacchi misfattu
tutta a famigghia si batti lu pettu,
e nui Riggitani nci battimu li mani,
chistu è lu modu mi li ciangimu
e nostri figghi, o parenti c'aimu.
Su i nostri figghi...chi si ndi vannu
nui li cuntamu annu pi annu,
e ndaccurgimu chi ntà tutt'u paisi
u chiù chi paga è u Calabrisi.
O terra russa, di sangu bagnata
terra i Calabria, terra disperata,
"Milli Euri" o misi pi rispirari un pò d'aria
mentri i politici vonnu a Diaria,
pa lontananza chi non ponnu stari
"Milli Euri" o misi...pi putiri campari.
Ma iddu torna a iapriri u purtuni!
tu ti ndi isti e non torni chiuni...
"Milli Euri"...u misi pi tia non passau,
passau la morti e ti pigghiau.
Non serbunu a nenti stu battiri i mani
quando nta famigghia, manca lu pani,
"Milli Euri" o misi...miseria ngrata,
non sembrunu pocu pi muriri nta strada?
"Milli Euri" o misi, di sangu bagnati
non sunnu nenti mi si mori mazzati.
Franco Lucido
(Tratto da: "Il quotidiano della Calabria")
Etichette: Cronaca, In Calabria
postato da Miguel Cervantes; alle 5:00 PM,
ALMANACCO di
